دووشه‌ممه‌ ڕێكه‌وتى 4/8/2014 به‌ڕێز (د.سامان حسێن به‌رزنجى) به‌ڕێوه‌به‌رى گشتى ته‌ندروستى هه‌ولێر به‌یاوه‌رى به‌ڕێوه‌به‌رى كاروبارى پاراستنى ته‌ندروستى و به‌ڕێوه‌به‌رى كرده‌ پزیشكیه‌كان و به‌ڕێوه‌به‌رى به‌شى ڕاگه‌یاندن سه‌ردانى قائیمقامیه‌تى قه‌زاى خه‌باتیان كرد و له‌گه‌ڵ به‌ڕێز (ڕزگار مسته‌فا ) قائیمقامى قه‌زاى خه‌بات سه‌باره‌ت به‌ ڕه‌وشى ته‌ندروستى سه‌نته‌رى قه‌زاى خه‌بات گفتوگۆیان كرد دواتر سه‌ردانى بنكه‌ى ته‌ندروستى ساراڕێژیان له‌ قه‌زاى خه‌بات كرد و له‌گه‌ڵ ستافى بنكه‌ى ناوبراو باس له‌و ڕێوشوێنانه‌ كه‌ بنكه‌ى ساڕێژ فراوان بكرێت و (24) كاتژمێر به‌ كردنه‌وه‌ى به‌شى فریاكه‌وتن له‌ خزمه‌تى هاوڵاتیاندا بێت به‌ تایبه‌تى بۆ ڕه‌وشى ئه‌مڕۆى سنورى قه‌زاى خبات كه‌ به‌شێوه‌یه‌ك بێت بۆ هه‌ر خزمه‌تگوزاریه‌كى ته‌ندروستى له‌ناكاو له‌ ڕووى فریاگوزاریه‌وه‌ له‌وێ چاره‌سه‌رى پێویست بكرێن بێئه‌وه‌ى بگوزارێنه‌وه‌ بۆ هه‌ولێرى پایته‌خت, هه‌ر بۆ ئه‌م مه‌به‌سته‌ به‌ڕێوه‌به‌رى نوێى ته‌ندروستى قه‌زاى خه‌بات ڕاسپێدرا كه‌ به‌ زووترین كات كار بۆ ئه‌و مه‌به‌سته‌ بكات.
هه‌ر له‌ درێژه‌ى سه‌ردانه‌كه‌یدا به‌ڕێوه‌به‌رى گشتى سه‌ردانى ئاواره‌كانى موسلى له‌ كه‌مپى خازر كرد له‌ كۆبونه‌وه‌یه‌كدا به‌ ئاماده‌بوونى قائیمقامى قه‌زاى خبات له‌گه‌ڵ ڕێكخراوه‌ ناوه‌خوَِیى و بیانه‌كان ئه‌وانه‌ى له‌ ڕێگه‌ى حكومه‌تى هه‌رێم خزمه‌تگوزارى پێشكه‌ش به‌ ئاواره‌كان ده‌كه‌ن به‌تایبه‌تى ڕێكخراوى ته‌ندروستى جیهانى و یونسێف كۆبونه‌وه‌ وگفتوگۆ له‌ باره‌ى ئالیه‌تى نوێ كرا بۆ چۆنیه‌تى گه‌یاندنى خزمه‌تگوزارى زیاتر و خێراتر به‌ ئاواره‌كان، دواى هه‌ڵسنگاندانى ڕه‌وشى ته‌ندروستى و ڕێگه‌كانى به‌ره‌نگاربوونه‌وه‌ى هه‌ر ئه‌گه‌رێك بۆ بڵاوبوونه‌وه‌ى نه‌خۆشى یان په‌تا له‌ نێو كه‌مپه‌كه‌ به‌ڕێوه‌به‌رى گشتى لایه‌نه‌ په‌یوه‌ندیداره‌كانى ته‌ندروستى هه‌ولێرى ڕاسپارد كه‌به‌ شێوه‌یه‌كى به‌رده‌وام به‌ ئه‌ركى پێویستى خویان هه‌ڵبستن و هه‌رچى له‌ تونادابێت له‌ دابینكردنى ده‌رمان و پێداویستى پزیشكى بخرێته‌ خزمه‌ت ئاواره‌كان به‌بێ جیاوازى، هه‌ر له‌ كۆبونه‌وه‌كه‌دا به‌ڕێوه‌به‌رى گشتى ئه‌وه‌شى ڕوونكردوه‌ له‌ سه‌ره‌تایى ئاواره‌بوونى هاوڵاتیانى موسل و كردنه‌وه‌ى كه‌مپه‌كه‌ ستافى ته‌ندروستى هه‌ولێر به‌رده‌وام له‌ خزمه‌تیان دابوونه‌ به‌ پێى ى پێوه‌ره‌ خزمه‌تگوزاریه‌ خێراییه‌كانیش بۆ هه‌ر ڕه‌وشێكى له‌ناكاو به‌ڕێوه‌به‌رایه‌تى گشتى ته‌ندروستى هه‌ولێر خزمه‌تگوزارى به‌رچاوى پێشكه‌ش به‌ ئاواره‌كان كردووه‌ كه‌ ئێستا بنكه‌یه‌كى ته‌ندروستى جێگیر له‌ نێو كه‌مپه‌كه‌ كراوه‌ته‌وه‌ و (24) كاتژمێر خزمه‌تگوزارى ته‌ندروستى پێش كه‌ش به‌ ئاواره‌كان ده‌كات، هه‌ر له‌ كۆ بونه‌وه‌كه‌شدا داواى له‌ ڕێكخراوه‌ جێهانیه‌كانى په‌یوه‌ست به‌ بوارى ته‌ندروستى كرا كه‌ زیاتر هه‌ماهه‌نگ و هاوكاربن له‌گه‌ڵ به‌ڕێوه‌به‌رایه‌تى گشتى ته‌ندروستى هه‌ولێر .